話說有個中年女士入嚟睇病。佢乳房痛，想做簡單身體檢查。問問下，先至發現原來佢細妹早幾年確診乳癌。發現嘅時候都第三期。見住細妹治療期間好辛苦。
佢咁樣講，以為佢好關注呢個病，自己應該有做定期超聲波同X光夾胸檢查。點知佢好愕然，問我點解要做？佢話應該唔會中招。因為屋企已有人中左招。應該唔會咁黑仔，一個家族入面有多個一個人有癌症。
😱😱😱😱😱😱
我簡直拗晒頭。咩叫家族遺傳？ ！🤦🏽♀️🤦🏽♀️🤦🏽♀️
佢屋企仲有其他幾個姊妹添。我當頭棒喝，叫佢應該早幾年知道細妹有事，就全家嘅女人都走去驗年年驗身，令你放心。你屋企人有，就代表你有癌症嘅機會會提升！唔係成日啲醫生問你家族歷史做乜嘢？八卦咩？
佢而家乳房痛，先至有少少咁擔心。不過佢覺得都應該唔係癌症。所以想求其搵個醫生摸下就算。我梗係嗱嗱臨開咗張Lab Form叫佢去乜嘢都照鬼晒啦。好彩，傾到最尾佢都開竅。應承我會叫埋佢啲姊妹一齊去照。
話晒佢都係大學畢業嘅高材生。醫療知識原來都咁貧乏。
～～～
本來下面盒野應該送俾人。真係真係唔小心唔記得咗送。所以唯有我自己一個人食晒佢，懲罰我咁大懵。
Search